Ka dalë në pension Tagas, eksemplari pastor gjerman i cili që prej vitit 2008 ishte bashkë me trajnuesin e tij, pjesë e skuadrave të antidrogës në Venecia dhe Treviso të Italisë.
Agjenti me katër putra është adoptuar nga personi me të cilin ka ndarë shërbimin, pas tetë viteve punë. Tagas ka qenë protagonist mbi të gjitha në aeroportin “Antonio Canova” të Trevizos gjatë kapjes së trafikut ndërkombëtar të substancave narkotike.
E lindur në vitin 2007 dhe e trajnuar në shkollën “Scuola di Addestramento e Specializzazione Cinofili della Guardia di Finanza di Castiglione del Lago” të Peruggias, në vitin 2008 ka kaluar me sukses të gjitha provat dhe është certifikuar si qen i specializuar në antidrogë. Që prej atij viti ka punuar në repartin operativ. /tesheshi.com/
