Pas gati dy vitesh, Australia ka rihapur kufijtë e mbajtur të mbyllur nga pandemia dhe të hënën mbërritën turistët e parë plotësisht të vaksinuar nga jashtë dhe qytetarët e vendit më në fund u kthyen te familja dhe miqtë.
Më shumë se 50 fluturime ndërkombëtare janë planifikuar për të hënën, 27 prej të cilave janë planifikuar të aterojnë në qytetin më të madh, në Sidnei.
Turizmi dhe sektori i mikpritjes po presin me padurim rimëkëmbjen pas kufizimeve të vendosura nga autoritetet për pandeminë.
“Sot është një ditë shumë emocionuese, të cilën e kemi pritur prej kohësh që kur mbyllëm për herë të parë kufijtë në fillim të pandemisë”, u tha kryeministri Scott Morrison
gazetarëve në shtetin e Tasmanisë, i cili është shumë i varur nga turizmi.
Skena prekëse të bashkimeve familjare u panë në aeroporte.
“Ne ishim të ndarë për shtatëqind e njëzet e katër ditë dhe kjo është e vetmja gjë që ka rëndësi për mua sot. Nuk dua ta lë të shkojë…”, tha Sue Witton në Melburn ku ajo mirëpriti djalin e saj Simonin dhe më në fund e përqafoi pas dy vitesh. /tesheshi.com/
Emotional reunions as Australia reopens to the world: https://t.co/eQbA9QogJi pic.twitter.com/aYwHpvbfjj
— BBC News (World) (@BBCWorld) February 21, 2022
