Një operacion i përbashkët antitrafik mes policisë shqiptare dhe Guardia di Finanza-s italiane, ka çuar në
Sekuestrimin e skafi me një sasi prej 533.5 kilogramë lënde narkotike, me dy shtetas italianë në bord. Ndjekja e tyre, njoftohet se ka zgjatur 6 orë.
Sipas asaj çka informojnë autoritetet shqiptar, rreth orëve të drekës, Qendra Ndërkombëtare Operacionale Detare në Durrës, ka njoftuar për një mjet që lëvizte me shpejtësi nga perëndimi në drejtim të kepit të Rodonit.
Pas këtij momenti, janë vënë në lëvizje mjetet lundruese të Policisë Kufitare dhe Migracionit, të GdF dhe është njoftuar INTERFORCA.
Ndjekja nga Policia Kufitare dhe GdF ka vazhduar deri në ujërat ndërkombëtare.
Në këtë kohë, mjetet aeronautike dhe detare italiane të GdF kanë hyrë në veprim dhe rreth orës 19.00, në momentin e hyrjes në ujërat italiane, është identifikua dhe ndalua mjeti i lundrimit me dy persona në bord dhe me ngarkesën me lëndë narkotike prej 533.5 kilogramë.
Drejtuesit e mjetit ishin dy shtetas italianë A.M, 38 vjeç dhe A.C, 60 vjeç, te dy nga Brindisi
GdF ndaloi dy skafistët dhe sekuestroi ngarkesën me cannabis sattiva, thuhet në njoftim. /tesheshi.com/
