Katari rihapi ambasadën e tij në Damask të shtunën, 13 vjet pasi ajo u mbyll në fillimin e konfliktit civil të Sirisë, ndërsa qeveritë e huaja kërkojnë të krijojnë lidhje me qeverinë e re të Sirisë, raporton AFP.
Një reporter i AFP pa flamurin e Katarit të ngritur mbi misionin diplomatik, duke e bërë Katarin kombin e dytë, pas Turqisë, që rihap zyrtarisht ambasadën e tij që kur rebelët rrëzuan presidentin Bashar al-Assad në fillim të këtij muaji.
Angazhimi i Doha-s ndaj popullit sirian
Ndryshe nga disa qeveri të tjera arabe, Katari – i cili mbështeti grupet opozitare gjatë luftës civile në Siri – nuk u përpoq të rehabilitonte Assad-in përpara rrëzimit të tij.
Më herët të shtunën, punëtorët ishin të zënë me pastrimin e trotuareve, pastrimin e zonës dhe heqjen e grafiteve nga muret e ndërtesës. Një nga punëtorët vendosi një flamur të Katarit mbi portën kryesore.
Pak ditë më parë, Doha dërgoi një delegacion diplomatik në Damask për një takim me qeverinë tranzitore. Misioni shprehu “angazhimin e plotë të Dohas për të mbështetur popullin sirian”, tha një diplomat nga Katari për AFP. /tesheshi.com/
