Prerja e flokëve në mënyrë të gabuar ka bërë që një gruaja të kalojë në depresion. Donna Smith jeton në Mançester dhe arriti që të përfitojë një dëmshpërblim prej më shumë se 9 mijë sterlinash. Gruaja punonte si stjuardesë për një kompani ajrore dhe prerja e flokëve që i kishte bërë parukierja, mund t’i kishte sjellë probleme edhe në punën e saj. Bëhej fjalë për një prerje asimetrike, ku një pjesë e kokës ishte rruar.
Në fakt Dona e kishte kërkuar vetë një gjë të tillë sepse shqetësohej prej tyre, por kërkesa nuk doli sipas parashikimeve. Stjuardesa u detyrua që të blejë një paruke për të shkuar në punë.
Sipas asaj që shkruan “The Sun”, Donna u bë shumë keq për shkak të prerjes së flokëve dhe kaloi në depresion. “Nuk mund ta shihja veten në pasqyrë. Në punën time imazhi është shumë i rëndësishëm dhe mbi të gjitha ekspozohem gjatë gjithë kohës nga gjykimi i të tjerëve”, tregon gruaja.
Donna donte që të ndryshonte pamjen dhe i ishte drejtuar asaj që besonte se ishte një specialiste, duke shpenzuar deri në 150 ero për shërbimin. Por kur pa veten në pasqyrë, kuptoi dëmin që i ishte shkaktuar dhe vendosi që të padisë parukieren. Donna ka vendosur që të rrisë flokët, por fatmirësisht arriti që të fitojë betejën ligjore./tesheshi.com/
