Rusia mund të braktisë projektin e ndërtimit të një stacioni hapësinor në orbitën e Hënë, në partneritet me Agjencinë Hapësinore Amerikane – NASA, sepse nuk dëshiron të jetë në rolin e “violinë të dytë”, tha një zyrtar rus.
Moska ra dakord vitin e kaluar për të bashkëpunuar me NASA-n në planin për të ndërtuar një Stacion Hapësinor, i cili do të shërbente si një platformë për misionet hapësinore në të ardhmen, raporton Reuters.
Por një zyrtar nga Agjensia Hapësinore ruse –Roskosmos, Dmitri Rogozin, tha se Rusia mund të braktiste këtë program të përbashkët dhe në vend të kësaj të fillonte një plan për të ndërtuar stacionin e vet të hapësirës në orbitën e Hënës.
“Federata Ruse nuk mund të përballojë rolin e violinë të dytë”, tha ai, pa u futur në detaje.
Por zëdhënësi i Roskosmos më vonë deklaroi se Rusia nuk ka plane të menjëhershme për ta braktisur projektin.
“Rusia nuk ka refuzuar pjesëmarrjen së në projektin e një stacioni në orbitën e Hënës me Shtetet e Bashkuara”, tha Vladimir Ustimenko. /tesheshi.com/
