Është hera e parë që kundrejt Partizanit, klubit sportiv historik me të njëjtin emër, e posaçërisht ekipit të futbollit, ka një trajtesë kritike jo për shkaqe futbollistike, por politike. Në një shkrim në faqen Postobllok. com, sociologu Ergys Mërtiri ka bërë një përshkrim të fillit ideologjik që ka shoqëruar themelimin, e më pas protagonizmin e Partizanit përgjatë viteve të komunizmit, por që është aktualizuar sërish me disa akte të frikshme simbolike, siç ka qenë ai i nderimit prej tifozerisë së figurës së Petrit Dumes, themeluesit të Partizanit.
Por jo vetëm kaq, pasi Mërtiri e quan të pagëlltitshme, deri dhe provokuese, që si presidenti Nishani e si kreu i FSHF-së, Armando Duke, ta shenjtërojnë me tituj e mesazhe verbale këtë prodhim tipik komunist, siç është pra Partizani, tashmë i ringjallur dhe në fushën e lojës, pa hequr dorë nga e kuqja, por dhe nga emri, i cili përbën një revokim të një të kaluare komuniste në trajtën e një rehabilitimi me takt të diktaturës nën klithjet e poteren e tifozerisë plot instikte.
Tesheshi.com, duke vlerësuar qasjen e veçantë, por dhe cilësinë trajtesës, vendosi t’jua referojë ndjekësve të vet për lexim shkrimin e autorit, Ergys Mërtiri.
Por gjithashtu, duke qenë se tesheshi.com e ka kriter të saj etik mospërdorimin e copy-paste në marrjen e materialeve, jua përcjell atë për lexim nëpërmjet linkut: http://www.postbllok.com/kush-krehohet-me-partizanin/
/tesheshi.com/
