Maqedonia i ka “shpëtuar” rihyrjes në krizë për shkak të mosmarrëveshjeve për prokurorin special, që do të hetojë aferën e përgjimeve të publikuar nga opozita e që është një nga pikat e paktit të ndërmjetësuar nga komisioneri Hahn për zgjidhjen e krizës politike në Shkup.
Partitë politike kanë rënë dakord që të caktojnë si prokurore speciale Katica Janeva nga Gjevgjelia, por paraprakisht Kuvendi i Maqedonisë duhet të miratojë një ligj të veçantë për funksionionin e këtij institucioni të ri.
Pas votimit të kuvend, prokurorja duhet të kalojë edhe në këshillin e prokurorëve. Marrëveshja është arritur pas bisedimeve të gjata që kulmuan në orën 5 të mëngjesit të së martës.
Emri i prokurores është propozuar nga ndërkombëtarët, që kanë ndërhyrë edhe një herë për të shmangur krizën në Shkup. Mosmarrëveshjet për ekipin e prokurores special janë zgjidhur duke ia lënë asaj në dorë të përcaktojë numrin dhe emrat e ekipit hetimor.
Afati për zgjedhjen e prokurorit skadonte sot dhe dështimi i bisedimeve rrezikonte tërë marrëveshjen politike që u arrit pa ndërhyrjes së BE-së. /tesheshi.com/
