“Partia tënde të arreston…”: pritet të ndodhë dhe me Ahmetajn

Asnjë lëkundje nga PS për ish-të fuqishmin e saj Arben Ahmetaj. Në mbledhjn e Këshillit të Mandateve, ajo dhe PD kanë dhënë autorizimin për të arrestuar ish-zv.kryeministrin dhe ish-ministrin.

Më herët, avokatët e Ahmetajt thanë se nuk shohin asnjë fakt se përse duhet të arrestohet klienti i tyre.

Ishte SPAK që kërkoi pak ditë më parë arrestimin e njeriut të mazhorancës, duke e akuzuar për “Mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”

Bëhet fjalë për 400 faqe dosje ku krahas Ahmetajt ka dhe persona të tjerë të përfshirë në afera të mundshme, të cilat gjithsesi duhen vërtetuar.

Por Arben Ahmetaj nuk ndodhet në Shqipëri, larguar pak ditë më parë në Greqi nga Kakavija, ku thuhet se ka mbërritur në Kanada. Sipas avokatëve, kjo rrugë e tij jashtë Shqipërisë është për arsye familjare.

Kështu, me Arben Ahmetajn, nëse kthehet në Shqipëri, pritet të ndodhë ajo që tashmë është traditë politike te e majta – “partia tënde të arreston”, një frazë epistolare thënë nga Kadri Hazbiu në gjyqin politik të Byosë Politike ndaj tij.  /tesheshi.com/