PDK-ja e Kadri Veselit ka lënë anash “armiqësinë” me Vetëvendosjen dhe i është përgjigjur pozitivisht ftesës së saj në tryezën e quajtur “Zgjidhja nëpërmjet zgjedhjeve” që pop mbahet sot në Kuvendin e Kosovës. PDK po përfaqësohet nga Memli Krasniqi, shef i grupit parlamentar.
Por jo të gjithë në PDK e kanë pritur mirë vendimin për t’i bashkangjitur tryezës së VV-së.
Deputeti Hajdar Beqa ka thënë se si deputet është kundër pjesëmarrjes në këtë tryezë për shkak se aty do të flitet vetëm për zgjedhjet e parakohshme.
“Unë si deputet besoj që nuk duhet të shkohet në këtë tryezë për arsyen sepse është planifikuar të flitet vetëm për një temë dhe si e tillë konsideroj që nuk ia vlen as të shkohet”, ka thënë Beqa për Insajderin.
Ai më tej ka thënë se PDK është e hapur për çështje të tjera që në vend të ketë konsensus, por ka përjashtuar diskutimet për zgjedhje të jashtëzakonshme në vend.
“Nëse kemi të bëjmë edhe me tema të tjera që ballafaqohen qytetarët si siguria, luftimi i korrupsioni, integrimi, ushtria dhe të tjera është tu përkrahur, ndërsa nëse është vetëm qëllimi për zgjedhje nuk ia vlen të shkohet për shkak se shteti nuk e ka në agjendë zgjedhjet në këtë kohë”, ka deklaruar Beqa.
Pjesë e tryezës janë të gjitha partitë përjashtuar Listën Serbe që nuk është ftuar nga VV.
Kujtomë se dy tryezat e kaluara të thirrura nga LDK e PDK nuk kanë sjellë kurrfarë rezultati, dhe me gjasë epilog të njëjtë do ketë edhe e VV-së pasi pozita kundërshton kategorikisht shkuarjen në zgjedhje të reja. /tesheshi.com/
