Partia e Drejtësisë e drejtuar nga Ferid Agani ka vendosur që të vazhdojë bashkëpunimin me Partinë Demokratike të Kosovës, për çka njofton se do të hyjë në koalicion me partinë e Veselit.
PD përmes një kumtese njofton se Ferid Agani, Ardian Sejdiu, Vesel Neziri, Merjeme Uka, Luljeta Kelmendi, do të jenë kandidatët e saj, që do të garojnë për postin e deputetit
Po ashtu kjo parti njofton se ka marrë edhe një sërë vendimesh, ku përshihet edhe përjashtimi i disa anëtarëve, që sipas PD-së kanë shkelur statutin e partisë.
Kujtojmë se ish-deputetja Labinotë Demi-Murtezi, ka njoftuar sot se nga mbrëmë nuk është pjesë e strukturave udhëheqëse të Partisë së Drejtësisë, dhe se një vendim të tillë e ka marrë si pasojë e zhvillimeve të shumta në kundërshtim me statusin e partisë.
