Sapo kanë dalë shifrat e para të zgjedhjeve në Turqi. Surprizuese deri tani është kryesimi i padiskutueshëm i AKP-së, partisë që e ka udhëhequr vendi që nga 2002-shi.
Kur janë numëruar 45 për qind e votave, AKP-ja kryeson me 53.1 për qind, çka nënkupton një shumicë dërrmuese në parlament, që mundëson krijimin pa problem të qeverisë.
20.7 për qind kanë republikanët e CHP-së, që janë poshtë pritshmërive të tyre.
Goditjen më të madhe e kanë marrë nacionalistët e MHP-së, që siç duket po ndëshkohen për mosbashkëpunimin me AKP-në. Vetëm 11 për qind për këtë parti, aq më tepër kur janë numëruar kutitë në fortesat e saj, si në Trabzon.
Kurdët e HDP-së janë brenda pritshmërive të tyre, ndërsa e kalojnë pragun elektoral. 11 për qind ka marrë dhe kjo parti deri tani.
Numërimi vazhdon, por prirja e përgjithshme flet për një fitore të jashtëzakonshme të Partisë për Drejtësi dhe Zhvillim. /tesheshi.com/
