Nuk dihet nëse është koinçidencë apo zgjedhje e menduar ajo që Ben Blushi do e starton projektin e tij politik, pra partinë e re, më datë 1 nëntor. Por siç dihet, në narrativën komuniste shqiptare nëntori konsiderohet dhe si “muaji i kuq”. Madje dikur i është kushtuar dhe këngë:
Nga dritë e partisë ne marrim jetë e krah
Nëntori i lirisë sa lart u ngjite lart…
Ditë më të bukura nga ditët,
kënga që rritet e rritet,
jeta nëntor pas nëntori,
vallen e shqipeve mori…
Kjo pra për arsye se në nëntor ishte themelimi i PKSH (8 nëntor) dhe çlirimi i atdheut (29 nëntor).
Në njoftimin e tij në fb, Blushi u bën ftesë të gjithëve që të vijnë më 1 nëntor tek Akademia e Arteve.
“Të gjithë njerëzit e lirë janë të ftuar”, thotë Blushi, duke provokuar pra politikisht që në ftesë. Partia e tij, siç mësohet dhe nga lajmërimi, do të quhet Lista të Barabarta, e vështirë për t’u kuptuar si kumt politik nga ky lloj emri.
Vetë Blushi e thekson fort identitetin e tij majtist. Madje akuzat ndaj Ramës i ka të përqëndruara edhe në këtë pikë, tek ç’majtizimi sipas tij i Rilindjes. Majtizmin e tij Blushi e plotëson gjithashtu edhe me profilin e një ateisti. Kështu që nuk duket vetëm si koinçidencë themelimi i partisë së tij në “Nëntorin e kuq”. /teshesh.com/
