Ndërsa deputetja Mimoza Hafizi, deklaronte në revistën MAPO se zgjidhja e saj dhe e Ben Blishut është tashmë e pashmangshme, pra krijimi i një parti të re të së majtës, realisht strukturat e “partisë së Blushit” janë krijuar, të paktën në qendër dhe kryeqytet.
Madje siç mësohet, “udhëheqësia e re” takohet shpesh për të koordinuar dhe rrahur mendime dhe, mbledhjet më të rëndësishme mbahen në “Rogner”.
Pas Ben Blushit dhe deputetes Mimoza Hafizi, figura tjetër kryesore e partisë së re, do të jetë publicisti Dritan Hila, i cili de jure është anëtar i Asamblesë Kombëtare të PS-së por që realisht e ka bojkotuar prej kohësh.
I thirrur nga Edi Rama si zv.ministër i Mbrojtjes, Hila nuk qëndroi as dy vjet dhe u largua duke kritikuar ish-qeverisjen e tij për braktisje të parimeve të së majtës dhe korruptim.
Nuk dihet nëse do të jetë n/Kryetar apo Sekretar i përgjithshëm, por analisti tashmë është një nga figurat e larta të partisë së re, të cilët po e ruajnë me fanatizëm emrin.
Me Blushin, Hila nuk ka pasur kurrë afërsi, jo vetëm personalisht por dhe nga idetë me të cilat Blushi është njohur në opinionin publik, ku në radhë të parë është shpotitja ndaj muslimanëve.
Hila, i deklamuar ateist, gjithësesi, gjatë ligjerimit publik ka mbajtur një pozicion të qartë tolerant dhe respektues të besimeve. Por kohët e fundit edhe ky e ka rritur dozën islamofobe në rrjetet sociale.
Shpesh dy krerët e partisë së re Ben Blushi dhe Dritan Hila, ndajnë idetë me takimet që zhvillojnë me “analistin e atashuar” të opozitës, Agron Gjekmarkaj, i cili është nga më të spikaturit e zhurmës ndaj “rrezikut osman”.
A do të jetë Gjekmarkaj në partinë e Blushit kjo ende nuk dihet, por ka pak gjasa, pasi në shkrimet e tij, analisti nga Lezha i katapultuar çuditshëm nga bota e letrave në atë të politikës, mbron fuqishëm veprimet politike të liderit të opozitës, Lulzim Basha.
Ndërkaq, një emër i njohur nga e majta duket se do të jetë në krye të partisë së re.
Bëhet fjalë për një njohës perfekt i organizimit politik në Tiranë siç është Enver Reçi, i cili ka qenë Sekretar i PS-së për Tiranën, dhe më pas ndërtoi nga e para dy parti të tjera të majta, siç janë LSI dhe PSV91.
Në radhët e partisë së Blushit kanë nisur të afrohen edhe të rinj që simpatizojnë idetë e majta, por disa prej të cilëve shprehin spekticizmin me mënyrën paksa elitare të veprimit nga “Rogneri”.
Nga ana tjetër, duket se forca e re politike e së majtës, ka zjedhur të mos jetë piramidale por kolegjiale. /tesheshi.com/
