Një prej ekipeve më në zë të futbollit italian në vitet ’90 të shekullit të shkuar, Parma ka fituar të drejtën të luajë në Serinë B sezonin e ardhshëm, dy vite pas falimentimit.
Sezoni i trazuar 2014-2015 do të ishte fatal për Parmën, që veç shkëlqimit të dikurshëm kishte humbur dhe drejtimin.
Dy ndeshje të pezulluara, para të papaguara, dhe fundi do të vinte shpejt. Falimentimi do t’i zbriste në Serinë D, në nivelin më të ulët të futbollit profesionist në Itali.
Vetëm dy vite më pas, Parma do të luajë në Serinë B, me shpresën se pas një sezoni do t’i përkasë Serisë A.
Parma iu bashkua Kremonezes, Venecias dhe Foxhias, tre skuadrave që e kishin siguruar më herët ngjitjen në Serinë B.
Në playoff-in e Lega Pro-së, Parma mposhti 2-0 Alesandrian në Firenze, në stadiumin “Artemio Franchi”. /tesheshi.com/
