Një avion i rënë sot në territorin shqiptar, ngjashëm si ai i dy viteve më parë në Divjakë me plot drogë e që drejtohej nga italiani Riformato, ka bërë që në sallën e parlamentit shqiptar të vlojë debati mbi narkotrafikun.
Palët kanë akuzuar njëra-tjetrën si të nxitëse të këtij trafiku, ku folësit kanë ngjarë për një çast si të ishin nën efekt droge.
Maxhoranca, nëpërmjet ministrit Tahiri i ka kujtuar opozitës se dje në pushtet ishte ajo që lejonte kultivimin e më pas tregëtimin në masë të kanabisit, e që sipas kreut të Rendit shqiptar, ishte qeveria e tij që i dha fund Lazaratit dhe që po përpiqet të luftojë drogën me çdo mjet.
Por opozita, me zërin e deputetit dhe ish-kreut të saj, Sali Berisha, e konsideron qeverinë Rama si nxitësen më të madhe të drogës në vend.
Berisha tha se ka një bandë të madhe droge në Shqipëri e cila sipas tij është vetë qeveria. /tesheshi.com/
