Tashmë që një krah i parlamentit është bosh nga bojkoti i opozitës, i cila është e zhvendosur në çadër, rolin e saj po e kryen ish-deputeti socialist, Ben Blushi. Edhe këtë të enjte ai është përplasur me ish-kolegë të tij, veçanërisht me Taulant Ballën, “armikun” e tij kryesor në ish-parti, ku si shkak ka qenë çështja e ritkhimit të listës së kandidatëve të Vetingut tek Avokati i Popullit.
“Unë thashë se Paralamenti nuk ka të drejtë të jap vendim që nuk e ka kompetencë. Nuk e ka. Ca thotë Kushtetuta, të ta lexoj? Brenda 3 ditëve nga marrja e listës së kandidatëve që plotësojnë kriteret formale, dhe që nuk i plotësojnë dhe atyre të rekomandimeve të ONM, Kuvendi krijon një komision ad hoc. Tani sipas këtij neni vendimi që morrët është i rregullt apo i parregullt? Ku i jep Kushtetuta të drejtë këtij Parlamenti të ketë diskrecion, hapësirë për të zhvendosur një afat. Asnjë nen i Kushtetutës. Ky nen parashikon që përmes këtij komisioni, nëse komisioni bën katër vota, dhe nga pjesa gri e listës mund të futen te pjesa e bardhë, biles me 5 vota dhe nga lista e zezë, e atyre që nuk kualifikohen. Duhet t’i kishit parashikuar më përpara. Keni ardhur në këtë ditë që nga 22 korriku totalisht të papërgatitur. Opozita ka pjesën e vet po nuk dal këtu të merrem me ata që janë në çadër. Po flas se çfarë bëtë ju? Si e bllokuat procesin me një vendim absurd”, tha Blushi, për t’u pasuar nga Balla që ofroi tjetër gjykim:
“Afatin ti nuk e ke lexuar akoma, afati nuk është fare aty. Ne kemi një afat që është 300 ditë nga dita e hyrjes në fuqi të ndryshimeve kushtetuese. Seancën e thirrëm për të iniciuar procesin. Nuk bëhej seancë e jashtëzakonshme apo normale përzgjedhja e kandidatëve”, deklaroi Balla. /tesheshi.com/
