Në parlamentin e Irakut është votuar të shtunën për ndalimin e prodhimit, importimit dhe shitjes së alkoolit në vend.
Lajmi bëhet i ditur nga agjencia e lajmeve AFP.
Mbështetësit e kësaj nisme në parlamentin irakian e mbrojnë atë me argumentin se ndalimi i alkoolit është i përligjur nga kushtetuta, e cila ndalon çdo ligj që bie në kundërshtim me Islamin.
Ndërsa kundërshtarët e ndalimit thonë se ai shkel të njëjtën kushtetutë, që garanton traditat e pakicave fetare.
Sipas një anëtari kristian të parlamentit irakian, shkelja e ligjit që ndalon importin, prodhimin dhe shitjen e çdo lloj alkooli shoqërohet me një gjobë që sillet nga 10 gjer në 25 milionë dinarë, diku te 8.000 deri në 20.000 dollarë.
Iraku ka kompani që prodhojnë pije të ndryshme alkoolike. Të rralla janë restorantet dhe hotelet ku ka pije alkoolike, por në Bagdad ndeshen dyqane të vogla ku shiten ato. /tesheshi.com/
