Deputetët e parlamentit hungarez kanë për të votuar sot një amendament kushtetues që do ta ndalojë vendosjen e “popullatave të huaja” në territorin e Hungarisë.
Votimi i sotëm pason referendumin e muajit të kaluar për kuotat e BE-së mbi ndarjen e emigrantëve në vendet anëtare.
BBC-ja thotë se votimi i së martës vjen si përgjigje ndaj kuotave të emigrantëve të vëna nga BE-ja, për të cilat ka pajtur pajtim në 2015-n, e që do t’i risistemonin në tërë unionin 160.000 emigrantë.
Hungarezët votuan në referendum në favor të mospranimit të kuotave, por pjesëmarrja e ulët e bëri votimin të pavlefshëm.
Kryeministri hungarez, Victor Orban, një kundërshtues i hapur i kuotave të BE-së, e ka përligjur votimin parlamentar për amendamentin kushtetues me arsyetimin se 3.3 milionë qytetarë të vendit kanë votuar për refuzimin e kuotave.
Ende nuk dihet nëse amendamenti do të marrë mbështetjen e duhur në parlament.
Hungaria është një kundërvënëse e hapjes së dyerve për emigrantët, një qëndrim i mbajtur dhe në kulmin e krizës së refugjatëve. /tesheshi.com/
