Komiteti i Kulturës dhe Edukimit i Parlamentit Evropian ka theksuar nevojën për të mbështetur median në tejkalimin e efekteve të krizës COVID-19.
Parlamenti Evropian deklaron se gjatë pandemisë, media dhe sektori i gazetarisë janë thelbësore për informimin në kohë dhe të saktë për publikun, ndërkohë që përballen me humbje të rënda.
“Ata janë mbrojtja jonë kundër lajmeve të rreme dhe dezinformatave. Në të njëjtën kohë, ata janë prekur rëndë nga rënia e të ardhurave nga reklamat dhe fakti që e ardhmja e tyre është e pasigurt,” paralajmëruan eurodeputetët.
Anëtarët e Komisionit për Kulturë dhe Edukim i kanë kërkuar Komisionit Evropian që të sigurojë që fondet nga fondet e caktuara për rimëkëmbjen ekonomike pas pandemisë së koronavirusit të arrijnë në media, si dhe institucionet kulturore, krijuesit individualë dhe bamirësit.
Një deklaratë nga Parlamenti Evropian thotë se Komisionit Evropian i është kërkuar të hetojë mundësinë e krijimit të një fondi emergjence për të ndihmuar median dhe sektorin e gazetarisë.
Parlamenti Europian thotë se ndihma mediatike mund të sigurohet nga fondet për programet e tjera që aktualisht janë të pamundura për të shpenzuar për shkak të pandemisë COVID-19.
“Të krijohet urdhent një fond për median, të aplikohen fondet strukturore për kulturën dhe të forcohen garancitë për këta sektorë”, thanë zyrtarët e Parlamentit Evropian. /tesheshi.com/
