Parlamenti Evropian ka votuar për heqjen e imunitetit nga ndjekja penale e Carles Puigdemont dhe dy ligjvënësve të tjerë separatist katalanas, të cilët Spanja i ka akuzuar për rebelim, njoftoi Reuters.
U njoftua të martën se ligjvënësit e BE kishin votuar qartë për heqjen e imunitetit të ish-kryeministrit katalanas dhe dy ish-anëtarëve të qeverisë, Tony Comin dhe Clara Ponsati.
Presidenti i Komitetit për Çështjet Ligjore të Parlamentit Evropian, Adrian Vazquez Lazara, tha më herët se rekomandimi për heqjen e imunitetit parlamentar të tre deputetëve katalanas të akuzuar në Spanjë për organizimin e një referendumi mbi pavarësinë e Katalonjës u bë në përputhje me rregullin.
Komiteti për Çështjet Ligjore (JURI) u rekomandoi anëtarëve të Parlamentit Evropian në fund të shkurtit që ata të votojnë në 8 mars për heqjen e imunitetit të Carles Puigdemont, Antonio Comin dhe Carla Ponsati.
Më 23 shkurt, JURI votoi brenda me dyer të mbyllura, gjatë së cilës 15 deputetë votuan për heqjen e imunitetit, tetë ishin kundër, dhe dy abstenuan. Propozimi i JURI për heqjen e imunitetit u dërgua më pas në një votim në Parlamentin Evropian, ku të 705 anëtarët vendosën për çështjen.
Një ditë pas votimit të JURI, Puigdemont, Comin dhe Ponsati mbajtën një konferencë shtypi në Bruksel nga e cila thanë se “përndjekja politike po zhvillohet kundër tyre, ndihmuar nga parregullsitë në JURI”. Ata shtuan se Presidenti i JURI Adrian Vazquez ishte në një konflikt interesi sepse partia e tij Ciudadanos këmbënguli në arrestimin e tyre dhe kundërshtoi referendumin në Katalonia, dhe se kishte shumë deputetë spanjollë në JURI.
Prokuroria Publike Spanjolle i konsideron të arratisuriPuigdemont, Comino dhe Ponsati dhe dëshiron t’i çojë në gjykatë në Madrid për t’i gjykuar ata për organizimin e një referendumi mbi pavarësinë e Katalonjës, një provincë autonome me 7.5 milion banorë në Spanjën Verilindore.
Ish-kryeministri katalan Puigdemont dhe ish-zyrtari shëndetësor Comin shkuan në Belgjikë pas një referendumi të mbajtur në tetor 2017, i cili u ndalua nga Gjykata Kushtetuese Spanjolle. Ndërsa Ponsati, i ngarkuar me arsimin, kaloi në Skoci. Të dy vendet nuk i ekstraduan ata në Spanjë.
Puigdemont dhe Comin u bënë eurodeputetë në zgjedhjet e Parlamentit Evropian në maj 2019 dhe Ponsati u bashkua me ta muajin e kaluar, pasi Mbretëria e Bashkuar u largua nga BE.
Gjykata e Lartë Spanjolle i ka kërkuar Parlamentit Evropian të heqë imunitetin parlamentar për të tre. Imuniteti lejon deputetët të bëjnë punën e tyre pa ngacmime dhe arrestime në vendet e BE, përfshirë Spanjën.
Ligjvënësit katalanas, tani që kanë mbetur pa imunitet, nuk do të shpallen automatikisht fajtorë ose të ekstradohen në Spanjë. Në këtë rast, Gjykata e Lartë Spanjolle do të duhet të kërkojë nga drejtësia belge t’i ekstradojë ata në mënyrë që t’i gjykojë në Madrid, ku është ngritur një aktakuzë kundër tyre.
Puigdemont, Comin dhe Ponsati pretendojnë se ata nuk do të kishin një gjykim të drejtë në Spanjë. /tesheshi.com/
