Parlamenti Evropian, në mënyrë krejt të papritur, ka miratuar një rezolutë ku dënon shkeljet e të drejtave të njeriut në Arabinë Saudite dhe u bën thirrje autoriteteve në vend, për të përshpejtuar ritmin e reformave dhe lirimin e aktivistëve të arrestuar.
Kjo rezolutë kërkon ndalimin e të gjitha formave të ngacmimit dhe kufizimit të aktivistëve të të drejtave të njeriut dhe lirimin menjëherë e pa kushte të të gjithë të burgosurve, duke përfshirë dhe disa aktivistë.
Në rezulotë kërkohet gjithashtu ndalimi i diskriminimit ndaj pakicave.
Rezoluta paralajmëron për rrezikun e shkeljeve të të drejtave të njeriut që burojnë nga bllokada që Arabia Sudaneze dhe vendet e tjera të Gjirit vendosën në Katar.
Votimi për rezolutën u parapri nga një debat në të cilin ligjbërësit europianë dënuan gjendjen e të drejtave të njeriut në Arabinë Saudite.
Ata theksuan se Princi i Kurorës, Mohammed bin Salman promovoi një projekt reformash që përfshinte premtime që sipas tyre nuk u zbatuan në praktikë.
Ata përshkruan regjimin saudit si represiv dhe thanë se në kokën e saj ka forca të errëta që pa hezitim, shkelin të drejtat themelore të qytetarëve.
Kjo lloj rezolute vjen në një kohë kur në horizont nuk shfaej ndonjë shenjë fërkimi mes BE-së dhe Mbretërisë saudite. Pritet se cili do jetë reagimi i Riadit ndaj saj. /tesheshi.com/
