Parlamenti Europian, me anë të një rezolute i ka bërë të ditur mazhorancës aktuale se nuk do të hapë negociatat me BE-në nëse nuk ndëshkojnë korrupsionin, që sipas tyre është i përhapur në disa sektorë kyç të vendit.
Rezoluta thekson se “është e vërtetë se reformat kyçe politike dhe administrative, “aq të nevojshme në këtë vend”, janë duke bërë progres, por nga ana tjetër këto procese ende nuk kanë arritur në fazën që do t’i hapnin rrugë nisjes së negociatave të anëtarësimit në Bashkimin Europian”.
Eurodeputeti gjerman, reporter për Shqipërinë, Knut Fleckenstein, tha se “Vendi është duke përgatitur aktualisht një reformë gjyqësore tepër ambicioze, e cila do t’u japë përgjigje shqetësimeve më kyçe të përcjella nga qytetarët dhe do të ndihmojnë në luftën kundër korrupsionit në jetën e përditshme. Qytetarët e Shqipërisë duan të bëhen gati për aderimin në bllokun europian. Tani, liderët e tyre politikë duhet ta kapin këtë moment e të vazhdojnë implementimin e reformave”.
PE thekson se vazhdon të mbetet i shqetësuar për nivelin e lartë dhe shtrirjen e korrupsionit në arsim, shëndetësi, gjyqësor e fusha të tjera.
Parlamenti Europian konsideron se ka një autocensurë në media dhe nuk
“Gazetarët janë ndonjëherë edhe fizikisht të ndaluar të mbulojnë evente të caktuara, që sulmohen apo kërcënohen për shkak të punës së tyre”, thekson rezoluta e Parlamentit Europian.
/tesheshi.com/
