Të gjitha nga 85 parlamentet rajonalë në Rusi kanë votuar në favor të ndryshimeve kushtetuese që do t’i lejojnë Vladimir Putin një garë tjetër në zgjedhjet presidenciale të vitit 2024, tha deputeti rus Andrei Klisas, raporton agjensia e lajmeve RIA.
Në janar, Putin njoftoi një ndryshim në politikën ruse dhe Kushtetutën, të paraqitur si një rishpërndarje të pushtetit nga presidenca në parlament.
Vladimir Putin, 67 vjeç, i cili ka mbizotëruar politikën e Rusisë si president ose kryeministër për dy dekada, miratoi një ndryshim javën e kaluar në parlament që do të jetë në gjendje të anashkalojë ndalimin aktual kushtetues dhe të kandidojë për një mandat tjetër 2024.
Të dy dhomat e parlamentit e mbështetën këtë ndryshim, siç bëri shumica e parlamenteve rajonalë të enjten.
Ligjvënësi Andrei Klisas tha të premten se çdo parlament rajonal rus, 85 prej tyre, mbështeti ndryshimin.
“Dhoma e sipërme e parlamentit rus mori rezultatet e votimit të 85 parlamenteve rajonalë,” tha Klisas, raporton RIA. “Të gjithë e mbështetën”, tha ai.
Lista e 85 rajoneve përfshin gjithashtu dy që janë pjesë e Krimesë, të cilën Rusia aneksoi atë në 2014.
Gjykata Kushtetuese ruse tani duhet të shikojë ndryshimet kushtetuese që do të votohen në zgjedhjet e prillit. /tesheshi.com/
