Parku tematik në qytetin Wuhan, në provincën kineze Hubei, është shtëpi e rreth 10,000 xixëllonjave të cilat, gjatë verës, çdo natë ndriçojnë gjithë parkun .
Parku me drita fluoreshente është i ndarë në pesë zona, zonën e fluturimit, zonën e vrojtimit, zonën e vrojtimit të afërt, zonën e kultivimit dhe zonën e vrojtimit shkencor.
Secila zonë në këtë park është e dedikuar për kategorinë e caktuar të vizitorëve, prej turistëve deri te shkencëtarët.
Edhe pse kultivimi i xixëllonjave është shumë i shtrenjtë, rreth 1.61 dollarë për secilën prej tyre, kjo gjë nuk paraqet problem. Kinezët i adhurojnë xixëllonjat, ndërsa biletat për të vizituar këtë park shiten me shpejtësi marramendëse.
Dikur, këto insekte ndriçuese ishin pjesë e netëve në shumicën e provincave kineze, mirëpo, në vitet e fundit numri i tyre është zvogëluar dukshëm, për shkak të ndotjes së ajrit dhe shkatërrimit të ambientit.
Duke qenë se xixëllonjat janë insekte sezonale, ky park hapet çdo vit më 30 maj dhe punon deri në muajin tetor./tesheshi.com/
