Paris SG po marshon i sigurt drejt mbrojtjes së titullit në kampionatin francez. Nga java në javë, parisienët po e thellojnë distancën me ndjekësit e tjerë dhe tashmë kompeticioni ka pikëpyetje vetëm për pozitat e tjera që dërgojnë në Europë. Në nisjen e kësaj fundjave skuadra e drejtuar nga Laurent Blanc ka shpartalluar skuadrën Nice, duke e mposhtur në udhëtim 0-3.
Edison Cavani ka hapur serinë e golave kur kishin kaluar vetëm 35 minutat e para të ndeshjes, duke paralajmëruar kështu rivalët për një natë tejet të gjatë dhe të tmerrshme.
Ashtu edhe ndodhi, dy minuta para fundit të ndeshjes Niklas Hult, shkaktoi penalti brenda zonës dhe u ndëshkua me karton të kuq nga gjyqtari i ndeshjes, ndërkohë nga rrethi i bardhë i pagabueshëm ishte suedezi Zlatan Ibrahimoviç.
Në fraksionin e dytë të lojës, Ibrahimoviç qëlloi edhe njëherë në portën rivale, për ta mbyllur kështu festivalin e golave me një fitore që u mundëson atyre komoditet në vazhdim të kampionatit, pasi distanca me vendet e tjera është mbi 15 pikë. /tesheshi.com/
