Patinat elektrike janë zyrtarisht të ndaluara në Paris. Në një referendum të mbajtur të dielën, banorët e kryeqytetit francez votuan për largimin e tyre nga rrugët.
Një fund definitiv do t’i jepet, veçanërisht, mundësisë së marrjes me qira të patinave, një zakon që kishte filluar të përvetësohej gjithnjë e më shumë që nga viti 2018, kur ku mjet u fut për herë të parë në qarkullim.
Arsyeja pse u miratua ndalesa është rritja e numrit të aksidenteve në rrugë.
Siç tregohet në rezultatet zyrtare të publikuara nga zyra e kryebashkiakut të Parisit, njerëzit në masë dërrmuese u kthyen kundër përdorimit të patinave elektrike, me pothuajse 90% të votave në favor të ndalimit.
Vihet re, megjithatë, se patina elektrike u përdorën gjerësisht nga banorët e Parisit, ndërsa ato konsideroheshin si një mjet transporti popullor, miqësor me mjedisin.
Megjithatë, pesë vjet më vonë, gjërat ndryshuan pasi siguria u bë një problem. Në veçanti, rreth 500 njerëz u plagosën nga mjete të tilla në vitin 2022, ndërsa të paktën 27 vdekje u shkaktuan nga përdoruesit e skuterëve elektrikë vitin e kaluar, krahasuar me 22 në 2021 dhe 7 në 2020. /tesheshi.com/
