Futbollistët e Parisit kanë bërë mrekullinë në duel ndaj Çelsit dhe janë kualifikuar me plotë meritë në çerekfinale. Skuadra e Laurent Blanc ka qenë e penalizuar dy herë gjatë ndeshjes mirëpo shpirti luftarak i skuadrës franceze ka bërë që kjo skuadër të kalojë në turin tjetër.
Pas përjashtimit nga loja të Zlatan Ibrahimovic dhe golit të relizuar nga Khail u mendua se Chelsea do ta “prej” biletën për në çerekfinale. Mirëpo në skenë doli ish lojtari i londinezëve, David Luiz që me kokë realizon pesë minuta nga fundi dhe dërgon skuadrat në lojën shtesë, pasi në dy duelet rezultati pas 90 minutëshit ishte i barabartë 1:1.
Pjesa e parë e vazhdimeve foli në favor të bluve të Mourinhos që përmes një penaltie të konvertuar në gol nga Eden Hazard rikthejnë iluzionin sërish në Stamfor Bridge. Mirëpo, kur më së paku pritej pas dy tentimeve rradhazi është një lojtar që vjen nga reparti i mbrojtjes për të shënuar, kapiteni dhe lideri i parisienëve, Thiago Silva.
Mbyllet ëndrra e Çelsit në shtëpinë e tyre deri sa Parisi pas investimeve marramendëse vazhdon rrugëtimin drejt Berlinit.
Në ndeshjen tjetër të zhvilluar Bayern Munih është treguar “horrorr” për Shakhtarin e Donetskut. Duket se skenat e luftës në Ukrainë janë kujtuar për një çast edhe në Alianz Arena, pasi gjermanët kanë qëlluar plotë shtatë herë në portën rivale për të shkuar në turin tjetër. /tesheshi.com/
