Një grup politikanësh të Francës kanë vendosur që të flejnë në rrugë për të mobilizuar qeverinë që të mos lenë të pastrehët të vdesin nga ftohti.
“Tani mjaft. Nuk lejohet më që një person që jeton në vendin tonë të mos ketë një jastëk ku të vendosë kokën”, deklaruan një grup këshilltarësh të rajonit të Parisit, pjesë e grupit politik, “Ile-de-France” .
Ata bënë të ditur se është e patolerueshme që ka njerëz që nuk kanë ku të flenë, ndërsa në qytet ka vende të lira dhe hapësira publike.
Zv.kryebashkiakja e qytetit Estampes, Mama Sy ka shpalosur iniciativën politike që ose shteti i jep fund të pastrehëve ose politikanët do të flenë bashkë me ta në rrugë.
Dhe në fakt kështu ka ndodhur. Një grup këshilltarësh lokalë kanë fjetur për dy net rresht në rrugë bashkë me të pastrehët. /tesheshi.com/
