Pak e shumë ka ndodhur e njëjta gjë në Paris, siç ndodhi këto ditë në restorantin “Panorama” mes Qeparoit dhe Himarës, ku një grup turistësh spanjollë, të pakënaqur nga shërbimi, u ngritën për t’u larguar, e pronari, Mihal Kokëdhima, iu vu pas dhunshëm meskena tashmë të bëra publike e që ngjajnë me një film.
Ndërsa në Paris, një klient ka vrarë kamarierin pasi priti gjatë për një sanduiç të porositur.
Një kamarier 28-vjeçar u qëllua për vdekje mbrëmë me armë zjarri në periferinë lindore pariziane të Noazi-le-Gran, raporton AFP.
Ekipet e ambulancës u përpoqën të shpëtonin kamerierin 28-vjeçar, i cili ishte qëlluar në shpatull, por ai vdiq në vendin e ngjarjes.
Kolegët e tij i thanë policisë se klienti kishte humbur durimin për shkak të kohëzgjatjes së përgatitjes së porosisë.
“Është e trishtueshme”, tha një grua 29-vjeçare për mediat franceze. “Eshtë një restorant i qetë, pa asnjë problem. Sapo u hap disa muaj më parë.”
Sulmuesi, i cili u tha nga dëshmitarët okularë se ishte zemëruar sepse sanduiçi i tij nuk ishte përgatitur aq shpejt, iku nga vendgjarja. /tesheshi.com/
