Një grup i lidhur me shtetin e Arabisë Saudite ka në plan të blejë dy klube të tjera të mëdha të futbollit evropian dhe dihet se cilët.
Është pikërisht Princi i Kurorës Mohammad Bin Salman dhe grupi që ai drejton, të cilët pasi blenë Newcastle Unitedin anglez dhe klube nga liga e Arabisë Saudite, ku luajnë sot disa nga futbollistët më të mëdhenj, tani duan të marrin të drejtat e dy klubeve në Evropë, të ngjashme me Newcastle në një farë mënyre.
Ato janë Valencian në Spanjë dhe Marsejën në Francë. Janë dy gjigantë të dështuar që për shkak të situatës aktuale konsiderohen “të disponueshëm në treg”. Pra nuk duket të jetë një blerje e vështirë, pasi duket qartë se paratë nuk janë problem për sauditët.
Kështu, British Independent pretendon se ndërmjetësit që punojnë për llogari të një grupi të lidhur me shtetin po bëjnë progres të dukshëm me synimin për të blerë klubet e sipërpërmendura dhe gjithçka po shkon sipas planit.
Valencia dhe Marseja konsiderohen veçanërisht tërheqëse për shkak të historisë së tyre të gjatë dhe është e qartë se ka hapësirë për rritje të madhe me investime relativisht të kufizuara.
Për shembull, Newcastle ka rezultate vërtet fenomenale pas vetëm një viti e gjysmë dhe pasi ka shpenzuar 300 milionë paund. “Magpies” arritën në mënyrë të bujshme në Champions League dhe së fundmi mposhtën PSG-në. /tesheshi.com/
