Herë pas here policia njofton për bllokimin e aseteve financiare të grupeve kriminale. Një pjesë e këtyre të ardhurave të bllokuara janë përdorur për blerje automjetesh, të cilat do të përdoren nga strukturat që pikërisht që luftojnë këto veprimtari të paligjshme.
“Në kuadrin e masave për goditjen e grupeve dhe aseteve kriminale, me qëllim përmirësimin e hetimeve paraprake penale dhe forcimin e kapaciteteve logjistike, për strukturat e hetimit të aseteve kriminale, krimit financiar dhe pastrimit të parave, Strukturat e Hetimit të Financave Kriminale në Policinë e Shtetit, përfituan nga ky fond i konfiskuar e i destinuar për këtë qëllim, 3 automjete të reja.
Policia sqaron se këto mjete janë një ndihmë në punën e këtyre strukturave, në gjetjen, sekuestrimin me qëllim konfiskimin dhe rikuperimin te viktimat e krimit të asketeve kriminale, si dhe për zhvillimin e sistemit të drejtësisë.
Ky është një motiv për strukturat e Hetimit të Krimeve dhe Aseteve Kriminale, në kuadrin e programit të Qeverisë, prioriteteve të Policisë së Shtetit dhe zbatimit të planit të masave “Vjeshtë 2017”, për “Goditjen e grupeve dhe aseteve kriminale” dhe “Forcimin e rendit dhe sigurisë”, duke synuar t’i heqim krimit mjetet dhe qëllimin kryesor të tij financat, dhe t’i përdorim ato për kompensimin e viktimave të krimit dhe zhvillimin e forcimin e strukturave të zbatimit të ligjit dhe Sistemit të Drejtësisë”, thuhet në njoftimin e Policisë. /tesheshi.com/
