Instituti Hidrometeorologjik i Kosovës ka njoftuar përmes një komunikate për gjendjen e lumenjve në tërë Kosovën. Sipas këtij njoftimit, pritet të ketë ndërprerje të reshjeve dhe ngritje të temperaturave.
Nga matjet hidrometrike është regjistruar një ngritje e lehtë që nuk paraqet rrezik për dalje të ujërave nga shtretërit e lumenjve në Sitnica- Nedakoc dhe Ibri-Leposaviq, ndërsa në të gjithë lumenjtë e tjerë është regjistruar rënie e nivelit të ujërave.
Në vazhdim janë dhënë nivelet aktuale të ujërave në lumenj dhe nivelet maksimale që janë regjistruar mbrëmë në orët e vona të mesnatës.
Nga parashikimet meteorologjike pritet që nesër të ketë ndërprerje të reshjeve të shiut dhe ngritje të temperaturave, që jep të kuptojmë se gjendja do të shkojë drejt normalizimit./tesheshi.com/
