Ish-deputeti socialist Et’hem Ruka, një prej ish-figurave të së majtës ndër vite, i njohur dhe si biolog, ofroi arsyetimin e tij mbi ecurinë e Corona-s në Shqipëri, duke parashikuar, gjithnjë sipas treguesve, se për dy javë do kemi një situatë të normalizuar sa i përket infektimeve.
“Si ka evoluar numri i te infektuarve dhe i të shëruarve me sars cov-2, i shprehur ne % nga 9 mars deri me 14 prill 2020. Siç shihet % e te sëmurëve nga virus me kurore (kolonat ngjyre blu) ka ardhur gradualisht duke rënë ndërsa ajo e të shëruarve (kolonët me ngjyrë tëe kuqe) gradualisht duke u rritur.
Pika kritike u arrit me 12 prill kur përqindja e te sëmurëve dhe ajo e te shëruarve u bë 50% me 50%. Pas kësaj date % e të shëruarve fillon të behet më e madhe se ajo e të sëmurëve. Ritmi i përmirësimit luhatet nga 2%-3% për çdo ditë.
Kjo do të thotë se teorikisht nëse do të ecet me këtë ritëm, pandemia duhet të shuhet pas 2 javesh. Ky është vetëm një parashikim teorik nisur nga ecuria e kurbave të pakten për javen e fundit. I gjithë ky model përmbyset nëse nuk vazhdohet ky sistem karantinimi.
Shënim: Të dhënat e mësiperme janë personale dhe jo zyrtare”, shkruan profesor Ruka. /tesheshi.com/
