Nëse do të shpërthejë lufta në gadishullin Korean, atëherë qindra mijëra njerëz parashikohet të humbasin jetën në vetëm 1 javë. Por jo vetëm kaq, miliona të tjerë do të zhvendosen si refugjatë në Kinë apo Rusi, raporton Daily Star, që i referohet ekspertëve.
Profesori Malcolm Chalmers në një studim të titulluar “përgatitja për luftë me Korenë” ka detajuar pasojat e tmerrshme të një konflikti të mundshëm.
Sipas tij, Koreja e Veriut ka mundësi të përdorë mbi 10,000 copë artileri dhe qindra raketa.
Ky arsenal do të lëshohet drejt kryeqytetit të Koresë së Jugut, Seulit, duke shkaktuar një numër të madh viktimash.
Sipas Chalmers, tragjedia nuk do të përfundojë këtu, pasi miliona njerëz do të largohen si refugjatë drejt Rusisë dhe Kinës.
Ai shtoi se edhe një armë e vetme bërthamore e përdorur nga Kim Jong-Un mund të shumëfishojë numrin e viktimave, në një shifër me 6 zero. /tesheshi.com/
