Fundjava, sipas parashikimeve, nuk do të jetë aq e mirë për plazh. Meteoalb parashikon se e shtuna paraqitet me kthjellime dhe vranësira të shpeshta, më të dukshme gjatë mesditës.
Ndërsa, pasditja sjell shtim të vranësirave, duke gjeneruar kryesisht gjatë mbrëmjes dhe orëve të para të natës shira të përkohshëm, të cilat do të jenë edhe rrebeshe afatshkurtra.
E diela, vijon në të njëjtat kushte të motit deri në mesdite, kur pritet që në pjesën më të madhe të vendit të rikthehet moti kryesisht i kthjellët.
Temperaturat e ajrit do të pësojnë mëngjesin e së shtunës një rënie me 2-3 gradë. Në mesditë rënia do të jetë dy herë më e madhe.
Po kështu mëngjesi i së dielës do të jetë me temperatura më të ulëta, por mesdita nuk pritet të sjellë ndryshime të ndjeshme.
Në rang territori pritet që minimumi të ulet në 12 – 13 grade, ndërsa maksimumi në 33 gradë. /tesheshi.com/
