Vizita e Kryeministrit britanik David Cameron në Berlin përkoi me paralajmërimet e dhëna nga institucionet dhe qendrat kërkimore rreth implikimeve ekonomike dhe politike negative që mund të sjellë dalja e Mbretërisë së Bashkuar nga Bashkimi Evropian.
Pritet që referendumi britanik rreth qëndrimit të vendit të tyre si anëtar i Bashkimit të mbahet para fundit të vitit 2017.
Sipas një studimi të institutit kërkimor Bertelsman dhe institutit IFO të Studimeve Ekonomike në Mynih, Britania do të dëmtohet ekonomikisht me daljen e saj nga Bashkimi Evropian.
Studimi vlerëson humbjet e pritshme të daljes së Britanisë me më shumë se treqind miliardë euro, plus dëmeve të rënda mbi rritjen ekonomike, veprimtarive industriale dhe financiare.
Studimi thotë se ka dy skenarë të daljes britanike nga Evropa, më e lehta për nga kosto është që Londra të ruajë një situatë të ngjashme me atë të Zvicrës, pra duke mbetur palë e marrëveshjes së tregtisë së lirë me Bashkimin Evropian.
Rasti më i keq është humbja e Britanisë e të drejtës për të qenë një partner i preferuar tregtare i Bashkimit Evropian jashtë kësaj Konvente.
Studimi këtyre institucioneve thotë se kërkesat për daljen e plotë nga BE-ja në vitin 2030 do të shkaktojnë rënie të të ardhurave kombëtare në normën 3%.
Burimi: Al Jazeera
