Kryeministri izraelit, Benjamin Netanjahu njoftoi synimin e tij për të “rrethuar të gjithë Izraelin me një gardh” për ta mbrojtur vendin nga infiltrimi si i palestinezëve ashtu edhe i qytetarëve nga vendet arabe fqinje, të cilët i përshkroi si “bisha të egra”.
Netanjahu e paraqiti propozimin gjatë një vizite që zhvilloi nën zonën kufitare me Jordaninë, në jug të Izraelit, duke shtuar se projekti –që do të kushtojë miliarda shekelë – gjithashtu do të synojë zgjidhjen e problemit me tunelet e Hamasit nga Gaza, një burim më i fundit shqetësimi për autoritetet.
Ai e cilësoi projektin kufitar si pjesë të një “plani shumëvjeçar për ta rrethuar Izraelin me gardhe sigurie që të mbrojmë veten në Lindjen e Mesme aktuale dhe në atë të ardhmërisë”.
Duke përshkruar nevojën për mure të reja dhe gardhe, kryeministri tha: “Në rajonin tonë, ne kemi nevojë të mbrojmë vetennga bishat e egra”.
E më pas shtoi: “Në fund të ditës si e shoh unë, do të ketë gardhe si këto që do të rrethojnë Izraelin tërësisht. Ne do të rrethojmë të gjithë shtetin e Izraelit me gardhe e pengesa”.
Netanjahu tha se qeveria izraelite do të shqyrtojë, gjithashtu, rrugët e mbylljes së hapësirave boshe në murin ekzistues që ndodhet përgjatë zonave të gjera në territoret e pushtuara në Bregun Perëndimor.
Ky mur ndarës – i urdhëruar të ndërtohet me një kosto të lartë nga ish-kryeministri Ariel Sharon – fillimisht u tha se ishte arsyeja e një rënieje në numrin e sulmeve të dhunshme palestineze në Izrael, sikundër edhe të sulmeve vetëvrasëse, një mënyrë e përdorur gjatë intifadës së dytë në vitet e para të këtij shekulli.
Por, kjo meritë u minua më pas nga lehtësia e dukshme që agresorët palestinezë menaxhuan të arrinin për të hyrë në Izrael në mes të një vale dhune që nga tetori i kaluar.
Lufta në Gaza në vitin 2014 gjithashtu demonstoi sesa e lehtë ishte për Hamasin të hapte tunele poshtë pengesës mbitokësore që rrethonte enklavën bregdetare, për të hyrë në Izrael.
“Nëse mendon të ndërtosh një gardh, atëherë duhet të marrësh në konsideratë se mund të happen tunele poshtë tij”, tha Netanjahu. “Njerëzit që thonë se nuk ka domethënëie zënia e territoreve në kohën modern, duhet të shkojnë në Gaza”.
Propozimi i Netanjahut, sidoqoftë, ka ndeshur në kritika nga vetë ministrat e kabinetit të tij, si ministry i Arsimit, Naftali Bennett nga lëvizja e linjës së ashpër, Shtëpia Hebreje që së fundmi është përfshirë në mosmarrëveshje rreth politikave të sigurisë me kryeministrin.
Duke komentuar propozimin, Bennett tha se kryeministri flet për gardhe. “Ne po e paketojmë veten tonë me gardhe”, tha ai.
Edhe përdorimi nga Netanjahu i frazës “bisha të egra”- e përkthyer edhe si “grabitqarë”, risolli në kujtesë gjuhën e ashpër të përdorur prej tij në prag të fushatës së vitit të kaluar ndaj arabëve izraelitë të cilët i kishte përshkruar se “vijnë me tufa”.
Komentet e gardhimit të Izraelit erdhën ndërsa Netanjahu vizitoi një pjesë të gardhit prej 18 miljesh që shkon nga qyteti i Detit të Kuq, Eilat deri në afërsi të zonës ku Izraeli po ndërton një aeroport të ri ndërkombëtar. Vetëm kjo pjesë kushton 77 milionë dollarë. Në vitin 2013, Izraeli përfundoi edhe një gardh pesë metra të lartë përgjatë kufirit të vet me Sinain.
Përgatiti: Juli Prifti- /tesheshi.com/
