Policia rrugore, e vetëdijshme se nata e ndërrimit të viteve është ndër netët më të vështira në detyrë, apeloi qytetarët të mos konsumojnë alkool nëse planifikojnë të dalin me makinë në rrugë. “Festoni, por mos pini alkool”, theksoi Erion Ahmet, shef i Komisariatit të Policisë rrugore nga sheshi “Shqiponja” në kryeqytet.
“Policia rrugore edhe sot në datën 31 dhjetor pak para ndërrimit të viteve ka një apel për të gjithë drejtuesit e mjeteve në lidhje me parametrat e sjelljes, me përdorimin e alkoolit, me përdorimin e celularit gjatë drejtimit të mjetit dhe ecjes me shpejtësi. Respektoni normat e sjelljes, mos përdorini pije alkoolike gjatë drejtimit të mjeteve, festoni por mos përdorni pjet alkoolike, përdorni mjetet e transportit publik për të shkuar në destinacione”, tha Ahmeti.
Ai paralajmëroi drejtuesit e mjeteve se nuk do të ketë tolerime.
“ Shërbimi i Policisë Rrugore Tiranë është i planifikuar në të gjitha akset rrugore për mbarëvajtjen, normalitetin e trafikut dhe parandalimin e ngjarjeve rrugore. Policia Rrugore është e orientuar me të gjitha shërbimet që nuk do të tolerojë përdorimin e alkooli, ecjen me shpejtësi dhe përdirmin e celularit gjatë drejtimit të mjetit”, përfundoi Ahmeti. /tesheshi.com/
