Johanes Hahn, ka paralajmëruar sot nga kryeqyteti i Serbisë se po rrezikohet që në zgjedhjet për Presidentin e vendit që mbahen në pranverën e ardhshme, të kthehen fantazmat e vjetra.
Shpërthimi i Komisionerit të BE-së për Zgjerimin ka qenë i fuqishëm, pasi një prej kandidatëve që mund të përfundojë në balotazh në maj padyshim që do të jetë ish-kreu i paramilitarëve serb, Vojislav Sheshel, i cili ka ngjitur egërsisht shkallët e politikës sapo ka marrë pafajësinë nga Gjykata e Hagës.
Paratë po vijnë lumë nga Moska dhe në zgjedhjet parlamentare të vitit të shkuar ai arriti të listohet si partia më re rëndësishme e opozitës dhe tani ka gjasa që edhe mund të rrezikojë të fitojë.
“Jam i shqetësuar se qëndrime të forta nacionaliste po mbahen në lidhje me zgjedhjet presidenciale nëse sheh emrat e kandidatëve. Unë besoj te sjellja proeuropiane e ryeministrit Vuçiç i cili e ka përforcuar qëndrimin e tij”, tha Han.
I pyetur për atë që Serbia ende nuk i ka miratuar sanksionet kundër Rusisë, përgjigja e Komisionerit ka qenë e prerë: “Kushtet e hyrjes në BE janë të qarta: o të gjithë në një qëndrim o nuk ka anëtarësim”.
Ndërkaq, ai ka shtuar se paratë e Moskës po përdoren kudo në Ballkan, jo vetëm në Republika Srbska.
“Pikërisht kjo ka sjellë influencë dhe ne nuk mund ta nënvlerësojmë”, tha ai zyrtari i lartë i Brukselit. /tesheshi.com/
