“Nuk e keni kuptuar atë që ka ndodhur të dielën. Të gjithë e panë rezultatin si një fitore, por thelbi është që në raundin e dytë garin edhe Le Pen”. Paralajmërimi vjen nga presidenti francez, Fransua Hollond dhe i drejtohet në radhë të parë, kandidatit të qendrës, Emanuel Macron i cili lufton për presidencën në balotazhin e 7 majit me kandidaten e së djathtës ekstreme, Le Pen.
Fransua Hollondit po i dëgjohet zëri gjithnjë e më shumë në këtë fazë të zgjedhjeve. Ai këshilloi kandidatin Macron që duket të jetë figura më potenciale për t’i zënë vendin në Elize, se duhet të jetë serioz dhe i vëmendshëm.
“Një votë meritohet dhe fitohet”, theksoi Hollande i shqetësuar që “En Marche!” mund të nënvlerësojë situatën. Kjo kritikë, në fakt, nuk është pritur mirë nga Macron i cili u kundërpërgjigj duke thënë se nuk pranonte leksione pasi ka luftuar gjithnjë kundër Frontit Kombëtar. Kjo parti, sipas tij ndodhet aty ku është sepse sistemi e ka ushqyer dhe e ka lejuar të rritet.
Nga ana tjetër strategjia e Marin Lë Pen duket e qartë pak orë pas fushatës për raundin e dytë të zgjedhjeve ku i duhet të rekuperojë ato një milion vota më pak se rivali i tij i raundit të parë duke marrë sa më shumë vota të jetë e mundur nga e djathta e Francois Fillon dhe e majta radikale e Jean-Luc Melenchon. /tesheshi.com/
