Organizata e Bashkëpunimit Islam ka paralajmëruar për fillimin e ndarjes nga izraelitët të kompleksit të xhamisë el-Aksa me qëllimin për të krijuar një hapësirë lutjeje për adhuruesit hebrenj.
Alarmin e vë përfaqësuesi në Palestinë i kësaj organizate, Ahmad al-Ruwaidhi. Vendosja së fundi e një dhome xhami në oborrin e kompleksit është veç hapi i parë drejt synimit, paralajmëron ai.
Al-Ruwaidhi thotë në një konferencë shtypi: “Vendosja e një dhome xhami brenda oborrit të kompleksit të xhamisë el-Aksa është hapi i parë drejt ndarjes hapësinore të xhamisë.”
Për më tepër, sipas tij, kjo gjë zbulon planet e Izraelit për t’u kushtuar një vend brenda kompleksit ritualeve talmudike.
Një tjetër shqetësim i ngritur nga përfaqësuesi i Organizatës së Bashkëpëunimit Islam janë gërmimet që po kryen nën el-Aksanë.
Ai thotë se ekziston droja që xhamia el-Aksa mund të shembet në rast të një tërmeti natyror, apo artificial.
Kompleksi i xhamisë el-Aksa mbetet një mollë sherri mes izraelitëve dhe palestinezëve. Për këta të fundit, identiteti islam i el-Aksasë është i padiskutueshëm. /tesheshi.com/
