Pas vizitës së Federica Mogherinit në Ballkan, në radhët e shteteve anëtare të Bashkimit Europian është lëshuar alarmin për një konflikt të madh rajonal.
Ish-numri dy diplomacisë së BE-së në kohën e baroneshës Ashton dhe aktualisht Ministër i Jashtëm i Sllovakisë, Miroslav Lajçak, ka deklaruar se situata është në vlim dhe mund të ndodhë një shpërthim që do të ketë pasoja të rënda.
Ka qenë The Guardian një javë më parë që ka lëshuar rrezikun e përshkallëzimit, ndërkohë që Sputnik-u rus ilustroi hartën e Ballkanit në flakë.
Lajçak deklaroi se “Bashkimi Europian, i cili vazhdimisht e më pak po shpreh seriozitet që të bashkëbisedojë për çështjen e zgjerimit të Unionit, ka hequr dorë nga Ballkani Perëndimor dhe pasojat janë se sot atje janë dy shtete para shpërbërjes, ndërsa tri të tjera në krizë të thellë”.
Përpara takimit të ministrave të Jashtëm të BE-së, Lajçak tha se “Bashkimi Europian po bëhet vazhdimisht e më pak bashkëbisedues serioz kur bëhet fjalë për zgjerimin”.
Ne nga Ballkani Perëndimor kemi dështuar në fjalë e vepra dhe sot po i shohim pasojat – kemi dy shtete pranë shpërbërjes dhe tre që janë në krizë të thellë politike”.
Ndonëse nuk ka përmendur me emra, besohet se Kosova dhe Maqedonia janë dy shtetet për të cilat pretendon se janë në prag të shpërbërjes: e para e rrezikuar nga Serbia për pjesën e saj veriore, ndërsa e dyta rrezikon në ndahet në baza etnike, shqiptare dhe maqedonase, krizë kjo e thelluar pas zgjedhjeve të fundit parlamentare atje. /tesheshi.com/
