Mbuloi sa më parë kamerat e kompiuterave tuaj! Ky paralajmerim vjen nga vetë FBI-ia. E duke marrë parasysh kush e thotë, atëherë kjo duhet marrë seriozisht.
Ka qenë vetë drejtori i FBI-së, James Comey, i cili ka lëshuar alarmin, duke bërë thirrje që të errësohet kamera me një shirit ngjitës apo mjete të tjera.
Nëse e lini hapur ka rrezik që t’u vidhen të dhëna mjaft delikate, apo edhe t’ju përgjojnë në privatësinë e shtëpisë suaj me anë të kameras.
E këto informacione mund të përdoren më pas edhe për t’ju kërcënuar, apo për qellime të tjera. Comey ka shpjeguar se kjo masë është marrë nga të gjitha zyrat e qeverisë amerikane.
“Nëse shkoni në cilëndo zyrë mund të shikoni se të gjithë kompiuterat kanë diçka që bllokon kameran.”
Edhe firmat që merren me sigurinë po marrin masat për për t’u përballuar me këtë problem. /tesheshi.com/
