Presidenti rus, Vladimir Putin komentoi përmes një artikulli tensionet e përshkallëzuara së fundmi në Gadishullin Korean.
Në artikullin e publikuar në faqen zyrtare të Kremlinit, Putin paralajmëroi se tensionet mes Phenianit dhe Washingtonit rrezikojnë të përshkallëzohen në një konflikt të armatosur të përmasave të mëdha.
Putin kritikon qëndrimin amerikan dhe thotë se po gabohet me shtimin e trysnisë ndaj Phenianit komunist në lidhje me programin e tij bërthamor.
“Është thelbësore që problematika rajonale të zgjidhet përmes dialogut të drejtpërdrejtë, ku të përfshihen të gjitha palët pa asnjë kusht”, shkruan Putin.
Sipas tij, provokimet, presionet dhe retorika ofensive që nxit luftë nuk të çon asgjëkundi.
“Të mendosh se është e mundur që të ndalësh programin bërthamor të Phenianit vetëm duke ushtruar presion ndaj tij është e gabuar dhe budallallëk”, thotë kreu i Kremlinit.
Putin risjell në kujtesë propozimin e përbashkët ruso-kinez për zgjidhjen e krizës.
“Zgjidhja është propozimi i Moskës dhe Pekinit, ku ftohet Koreja e Veriut që të ndalë programin e saj raketor në këmbim të ndalimit të lojërave të luftës të Shteteve të Bashkuara dhe Koresë së Jugut”, shkruan Putin. /tesheshi.com/
