Ministrat e Jashtëm të NATO-s do të diskutojnë gjithashtu situatën në Ballkanin Perëndimor, ku ka “përpjekje keqdashëse për të mbjellë mosmarrëveshje, përfshirë edhe nga Rusia“, në takimin e tyre dyditor në Bruksel, tha të hënën Sekretari i Përgjithshëm i NATO-s, Jens Stoltenberg.
“Ne do të diskutojmë gjithashtu situatën në Ballkanin Perëndimor, ku shohim retorikë secesioniste që sjell përçarje në Bosnje dhe Hercegovinë dhe përpjekje malinje për të mbjellë mosmarrëveshje, duke përfshirë edhe Rusinë,” tha Stoltenberg në një konferencë për shtyp përpara takimit dy-ditor të Ministrat e Jashtëm të NATO-s, që nis të martën në Bruksel.
Sekretari i Përgjithshëm përmendi edhe dhunën e rëndë në veri të Kosovës.
Diplomacia para konfliktit
Ai shtoi se ministrat do të bisedojnë me përfaqësuesin e lartë të BE-së për politikën e jashtme dhe të sigurisë, Josep Borrell, se si të forcohet stabiliteti në rajon.
“NATO ka dërguar tashmë një mijë ushtarë shtesë në Kosovë dhe ne po shqyrtojmë një rritje më të përhershme të kontingjentit tonë paqeruajtës”, tha Stoltenberg.
Ai theksoi se Serbia dhe Kosova duhet të riangazhohen në dialog nën patronazhin e BE-së.
“Stabiliteti varet nëse të gjitha palët do të zgjedhin dialogun dhe diplomacinë në vend të konfliktit dhe kaosit”, shtoi Sekretari i Përgjithshëm i NATO-s. /tesheshi.com/
