Në paralajmërimin e Metës se pas datës 15 mars do shpërndajë parlamentin, ka patur dhe një kërcënim, e ai adresuar ndërkombëtarëve. Aty, ai përmend dhe faktin se është Komandant i Forcave të Armatosura.
“Tani kaloj te betimi për të cilin duhet flamuri kuqezi. A kemi parlament apo nuk kemi? Para se të bëj betimin tim si President i Republikës, si kryetar i Shtetit, Komandant i Përgjithshëm i Forcave të Armatosura do ta puth këtë flamur.
Nëse grushti i shtetit dhe organizata mafioze ndërkombëtare që ka vite që luan me sovranitetin e popullit tonë nuk e merr seriozisht këtë dekret unë ju jap fjalën në emër të këtij flamuri për të cilin kanë rënë mijëra dëshmorë se pas datës 15 mars kur të përfundojë reforma zgjedhore që është një kusht, nëse ata nuk do ta marrin seriozisht populli kuqezi që votoi sot për rrëzimin e grushtit të shtetit unë Ilir Meta betohem se atë dekret nuk do ta firmos këtu por në mes të parlamentit, atje në mes të krimit dhe do ti bëj thirrje të gjithë popullit shqiptar unë i pari, dhe gjithë populli kuqezi…”, ishin fjalët e Metës.
Ai përmendi më pas sovranitetin e cënuar, gjithnjë referuar ndërkombëtare.
“Shumë prej jush mund të kenë pasur ndonjëherë vërejtje për tonin tim. E di, por duhet të dini që në publik për hir të disa interesave shtetërore nuk kam treguar as 10% të krimeve që kanë ndodhur kundër sovranitetit tuaj…”, deklaroi Meta. /tesheshi.com/
