Halit Valteri, ish-deputeti që ka bërë disa kallëzime në SPAK për Ilir Metën(ose Metajn), ka reaguar një ditë pasi i kallëzuari prej tij ka përdorur dhe në këtë rast kartën e inceneratorëve.
“Kam ndjekur me shumë vëmendje deklaratat e ish-presidentit Like Metaj dhe kisha zgjedhur të mos prononcohem, por meqënese më paska akuzuar për lidhje me Vjenën dhe inceneratorët i kisha dy fjalë:
I dashur Like, unë as nuk kam bërë dhe as do të bëj kurrë diçka që nuk e mendoj dhe që nuk është e drejtë. Denoncimi im vjen si pasojë e gjithë atyre pasthirrmave nga populli i thjeshtë të cilin ti e ke zhvatur për më shumë se 30 vjet, duke mos lëshuar karrigen e politikanit për asnjë ditë të vetëm. Ti ke arritur t’ia hedhesh paq falë vendimeve të gjykatave të manipuluara, falë kapjes së sistemit të drejtësisë nëpërmjet rryshfetit dhe herë pas herë nëpërmjet shantazheve, si kjo e fundit kur akuzove kreun e SPAK.
Së dyti, i dashur Like, unë quhem Halit Xhezar Valteri dhe as babi im dhe as gjyshi im nuk kemi ndryshur as emrin as mbiemrin, ndryshe nga ty. Nëse je ashtu siç pretendon dhe nuk je ai I.M. që gjoja të paskan stisur, tregohu njëherë i ndershëm para shqiptarëve dhe dil publikisht bëj kerkesë pranë institucionit të dosjeve të shohim të vërtetën cullak siç ka hije”, shkruan Valteri, duke paralajmëruar më pas një shkuarje drejt hekurave t ëish-presidentit deri dje.
“Manteli i pushtetit të ka ruajtur por shtatori po vjen dhe të paktën nje herë në jetë do të ballafaqohesh me atë çka ke mbjellë këto 30 vite.
Sinqerisht uroj që ti mos bëhesh si Ivo Sanader, ish-kryeministri i Kroacisë, i cili është dënuar tre herë për korrupsion dhe sapo shkon në gjysmën e njërit dënim, i ngarkohet tjetri.
Të këshilloj të marrësh masat e të bësh të paktën një herë diçka të mirë për popullin shqiptar: ato paratë që të kanë dalë tepër nga 7 përqind e nga gjitha përqindjet e tjera, jam i sigurtë që janë aq shumë sa mund të mbajnë gjithë shqipëtarët një vit me rroga, rroga e madje të majme. Të paktën këtë herë jepja atyre se nuk do të duhen më; mos u trego zemergur siç u bëre në 2011, që i fshehe milionat e eurove tek shtëpia e Luan Pobratit dhe më pas shkove dhe i rimore e i ndjeri iku nga kjo jetë me pishmanin se nuk i dhe as 100 euro për shërbimin e bërë”, shkruan ndër të tjera Valteri, duke përfunduar me një fjali që i thotë të gjitha ato që po duken në horizont:
“Je shah-mat shoku Like. Jo nga unë, por nga përtej Atlatikut…”. /tesheshi.com/
