T’ju thuash njerëzve që të pinë sa më shumë lëngje të jetë e mundur, mund të rezultojë e rrezikshme. Ky është paralajmërimi që mjekët kanë bërë së fundmi.
Ekspertët e King’s College Hospital në Londrën jugore kanë nisur një studim të mirëfilltë dhe kanë vënë në pikëpyetje këtë rekomandim pasi një grua 59-vjeçare konsumoi tej mase ujë dhe më pas u sëmur rëndë.
Gruaja, emri i së cilës nuk është bërë i ditur, pasi e ka tepruar me dozën e konsumit të ujit, shfaqi probleme me infeksionin në rrugët urinare.
Ajo u shpreh se mjekët i kishin thënë që duhej të pinte shumë ujë, të paktën gjysmë litri çdo 30 minuta, pasi kishte mësuar se vuante nga niveli i ulët i kripërave në gjak.
Simptomat që ajo shfaqi ishin të përzierat, vjellje dhe dhimbje koke. Në raste të tilla edhe më të rënda, truri mund të bymehet (siç fryhet druri nga lagështia), çka çon në konfuzion, koma apo edhe vdekje.
Ndaj mos harroni, çdo gjë e tepruar ju bën dëm, qoftë edhe uji!/tesheshi.com/
