Ish-kryedemokrati Berisha ka parathënë atë që do të ndodhë më 11 dhjetor, 30 vite pas themelimit të PD-së, që do jetë ndarja e pashmangshme e kësaj force, ku më pas lufta do jetë për vulën e saj, apo çelësat e selisë.
Duke folur mbi Kuvendin e pritshëm të 11 dhjetorit, për të cilin pretendon se janë mbledhur firmat e nevojshme, Berisha tha në Opinion se “PD zyrtare do të quhet ajo që do të dalë nga Kuvendi”.
“PD zyrtare është Kuvendi”, tha Berisha, duke kaluar më pas në teoritë konspirative, sipas së cilës pas këtij zhvillimi dramatik në selinë blu qëndron kreu i mazhorancës.
“Nëse Edi Rama vendos të bëja atë që nuk e bëri dot Ramis Alia le ta provojë”, tha njeriu që kërkon të rivijë dhe njëherë në krye të PD-së. /tesheshi.com/
